قوانين كواليس الحياه (ارجو الالتزام)

من طرف **حوده باشا** الخميس 25 سبتمبر 2008, 1:19 am

السلام عليكم ورحمه الله وبركاته
بسم الله الرحمن الرحيم
ازيكم يا شباب ويا احلى اعضاء
يارب دايما بخير ...امـــــــــــــــــــــــين
تحية عطرة أهديها لكم أعضاء وعضوات منتدى المستقبل

كل شيء في هذه الدنيا مبني على أسس وقوانين وبدونها لخلت الحياة من النظام ..

وساد عليها الفساد ، فعشان كده انا أحببت أن أضع قوانين لمنتدى كواليس الحياه غايةً في تنظيم

القسم وجعله يظهر بصورةٍ رائعة حتى يستطيع الجميع الاستفادة من ما يطرح فيه من مواضيع

سواء كانت علمية، إبداعية وغيرها من المواضيع المفيدة .

و بحسن تعاونكم نحقق الرقي للأفضل في منتدانا منتدي المستقبل

والقوانين واضحه وصريحه وكمان سهله
****

أولا :
منتدى كواليس الحياه هو منتدى خاص يحياتنا اليوميه والى بيحصلنا فيها كل يوم
وما يخالف ذلك ينقل تلقائيا إلى المنتدي المختص.

وياريت عدم كتابة المواضيع التي لا تناسب قسم كواليس الحياه
يعنى مينفعش تحط افلام او نكت ..
ويجب التأكد من أن الموضوع
المناسب في المكان المناسب ..

ثانيا :
إحترام آراء الأخرين عند النقاش وعدم التجريح بالكلام ..
(كل واحد وله رأئ واختلاف الاراء لا يفسد للود قضيه)

ثالثا :
عدم كتابة أكثر من موضوعين في اليوم الواحد
حتى تأخذ المواضيع الأخرى حقها ..
عشان ميبقاش فى موضوع مهم وعاجب الناس
وممكن محدش ياخد باله منه بسبب المواضيع الجديده الكتير
و اذا زادت عن اكثر من موضوعين
سيتم اجراء اللازم وحذفها دون الرجوع للكاتب
وبعد كده انا ان شاء الله هاقوله

رابعا :
مراعاة حقوق الأخرين الأدبيه وذلك عن طريق ذكر
اسم المصدر أو اسم الكاتب أو كتابة (( منقول )) بنهاية الموضوع ..
يعنى متنسبش الموضوع لنفسك لو نقلته
متفتكرش ان لو كتبت منقول الاعضاء هاتقول ده ناقله يعنى مبيعرفش يكتب ...لالالالالالا
بالعكس الاعضاء هاتقدر صراحتك ووضوحك وهاتكبر فى نظرهم اكتر لانك كده ماكلتش حق حد

خامسا:
يفضل قبل وضع الموضوع .. التأكد أولا من الموضوع في القسم ..
حتى لايكون هذا الموضوع متكرر او موجود قبل كده عشان لو الموضوع متكرر هتلاقيه اتنقل لمنتدى الروبابكيا

سادسا:
يمنع وضع روابط لمنتديات آخرى من خلال المواضيع أو الردود.
يعنى متحطش روابط للمنتدى بتاعك لو لينك صفحه تانيه .
.لالا مينغعش كده

سابعا :
يحق للإداره والمشرفين حذف أي موضوع وتعديله دون الرجوع إلى الكاتب وسوف
تتم مراسلة العضو لتوضيح السبب..

ثامنا : في حالة وجودك لأي رد مخالف أو خارج عن حدود الأدب
أرجو إبلاغ الإدارة حتى تقوم الإدارة باتخاذ اللازم فتعاونكم معنا مطلوب
حتى يتسنى لنا تصحيح وتعديل كل ما قد يكون خارج
عن حدوده فنحن بكم وانتم بنا أعضاءنا الأعزاء

تاسعا :ارجومتابعة كاتب الموضوع لموضوعه والرد على التعليقات.

يعنى متنساش موضوعك كده
تابع الموضوع وشوف مين رد ورد عليه
اخيرا: عدم رفع المواضيع القديمه التي اخذت حقها بالنقاش
للمشرفين مش معنى ان الموضوع اتناقش واخد حقه فى النقاش مش معنى كده انى اشيله ... لالالا
مش ممكن حد جديد يدخل يعجبه الموضوع ويحب يتناقش فيه .. صح ولا غلط ...
** رجاء صغير من المشرفين **
ارجو من الله وبعد ذلك منكم
اهتمام كل مشرف بقسمه الملزم بيه والخاص بيه
لكى نرتقى ونتقدم للامام
وارجو من الله ان اكون قد وفقت والا اكون قد اطلت عليكم فى كلامى

ملاحظة / الرجاء من الاخوة الالتزام بما جاء

نحن في المنتدى نحترم الشخص بقدر إحترامه لنفسه وللأخرين
وهدفنا في النهايه هو الترابط لذا يجب على الجميع الحرص
والتعاون معنا في ذلك من أجل الوصول إلى الهدف المنشود من وراء هذا المنتدى .

تحياتي لكم جميعـــا

حــــــــــــــــــــــــــــــــــــــــــــــــــــــــــــــوده

من طرف **سفروته** الخميس 25 سبتمبر 2008, 2:38 am

شكرا ياحوده واكيد هنلتزم بيها

على راى الليمبى

هاتلتزم بالقوانين هاتبقى صاحبى وكفائه
مش هاتلتزم هاعصرك واجيب منك مواضيع محذوفه

ههههههههههههههههههههههههه

من طرف **حوده باشا** الخميس 25 سبتمبر 2008, 2:54 am

مشكورة سفروته
ومشكورة يا تايهه.... قصدى الحائره
هههههههههههههههههههه
وانا ارجو من الله بس الالتزام بالقوانين

من طرف **{lo2lo2t alb7r}** الخميس 25 سبتمبر 2008, 5:14 am

بجد شغل جامد يا حوده ربنا يوفقك

وكدا انت بدأت ترتب المنتدى بشكل حلو ونظامي ربنا يخليك

من طرف **حوده باشا** الخميس 25 سبتمبر 2008, 8:33 am

متشكر اووووووى يا جومانه
والعبد لله بس بحاول اعمل الى ربنا يقدرنى عليه
من اجل رقى وتقدم المنتدى
والالتزام بالقوانين هايساعد كتير على ان منتدانا يبقى من احسن المنتديات
وشكرا تانى لمرورك يا جومانه

قوانين كواليس الحياه (ارجو الالتزام)

قوانين كواليس الحياه (ارجو الالتزام)

رد: قوانين كواليس الحياه (ارجو الالتزام)

رد: قوانين كواليس الحياه (ارجو الالتزام)

رد: قوانين كواليس الحياه (ارجو الالتزام)

رد: قوانين كواليس الحياه (ارجو الالتزام)

رد: قوانين كواليس الحياه (ارجو الالتزام)