عريس للبيع

من طرف etr الجمعة 05 ديسمبر 2008, 4:59 am

عريس للبيع .................مين يشترى ؟!
طبعا انت شاب زى الفل واد مجدع ورجوله و اخلاق و ما فيش زيك ورايح تتقدم لحبيبه قلبك اللى بينكم قصه حب بقى لها سنين ... بس ده مش مبرر
المهم يوم الخميس فى شقه العروسه قاعد فى الصالون وبتشرب شربات و قدامك جاتوه والزغاريد ماليه الشقه ورحت انت يا معام واخدلك نفس عميق و قايل الكلمتين اللى فيهم النصيب و طلبت ايدها !
طبعا الراجل ما هيصدق ويقولك موافق على طول
بس خدعندك بقه يا حلو : احنا بنشترى راجل بس لازم بنتى تقعد فى شقه فى المهندسين او على النيل و يكون فى شاليه فى بورتو مارينا نبقى نيجى لكم كام يوم.
انت زى ابنى وان مش هتقل عليك هو بس المهر هيكون ..............
وطبعا الشبكه من باريس وما تقاش عن...........
وبالمرة وانت فى باريس تجيب فستان الفرح
انا حاسس ان العيلتين هيكونوا اسرة واحده وانتو ناس طيبه اوى
اه الخطوبه علينا هنعمل حفله على الضيق على قد العيلتين.
بس الفرح عليك و ياريت تجيب تاموره او حتى سعد الصغير ودينا يهيصوا لنا شويتين ونختمها بقى بأليسا او هيفاء وطبعا نانسى اساسى بعد البوفيه.
يا سلام بقى يا معلم وانت قاعد تسمع كل دهه وابتسامتك الجميله دى فى وشك اللى قاعد يجيب مليون لون.
انا حبيت أقولك يا مان وانت حر .
والمتوقع منى انى اقولك قضيها جواز صالونات لازم يعنى تحب و نقضيها اعياد و دباديب

ربنا يكرم كل واحد داخل على مشروع جولز ويهدى أهالى العرايس و نسمع منهم الجله الحلوة بتاعه زمان ...
احنا بنشترى راجل بس تبقى بجد و حقيقية