اشقي الحورات مع (سفروته)

من طرف **MR.mando** الإثنين 15 سبتمبر 2008, 5:40 pm

اهلا بكم اعضائنا الاعزاء من جديد
مع حوار شقي جدا مع عضوة شقيه جدا
منا من يطلق عليها الشقيه
ومنها من يطلق عليها المفترية في الالعاب
وايضا زعيمة المذابح
القاب والقاب ولكن هي بطبعيتها طيبه جدا
خجوله رقيقه رومانسيه
انها

سفروته

فاهيا بنا نتجول في اعماقها ونعرفها علي طبيعتها

ا
السلام عليكم ورحمته الله وبركاته
سفروته :وعليكم السلام ورحمته الله وبركاته
النهاردة جاين نتعرف عليكي ونعرف شخصيتك الحقيقه
فهل تسمحي لنا بعمل الحوار معاكي؟؟؟
سفروته: اكيد هاقبل دا شئ يسعدني
واحنا سعداء جدا بتقبلك لعمل الحوار معاكي
مستعده الان؟؟؟
سفروته : شغال يونفرسال

س:اسمك وسنك ومنين؟؟
سفروته:اسمي ريهام وعندي 19 سنه وساكنه في دمياط
س:تقدري توصفي نفسك باية؟
سفروته: انا مش هاقدر اوصف تفسي الناس بتوصفني اني مجنونه
س:اكتر حاجه بتخافي منها؟
سفروته:الفراق بكل انواعه الدنيوى اوى فراق الموت
س: اكتر حاجه بتخافي عليها؟
سفروته: قلبى وكرامتى
س:اكتر حاجه تفرحك؟
سفروته:ان الاقى كل اللى بيحبونى حواليا والاقى بابا وماما مبسطوين منى
س:اكتر حاجه تزعلك؟؟
سفروته:انى افارق حد اتعلقت بيه لانى بتعلق بالناس بسرعه او انى اتظلم من حد بحبه
س:واكتر حاجه تزعلك من نفسك؟
سفروته:انى اطلع كلام يجرح الى قدامى الفتره الاخيره بقيت برمى طوب
وكمان انى يبقى فى ايددى انى اساعد حد واضيع على نفسى الفرصه دى
س:نفسك ترجعي لايام الطفولة؟
سفروته:اكيد
س: لماذا؟؟؟
سفروته:عايزه ارجع لايام الطفوله علشان البراءه اللى كنا فيه ايام متتعوضش وكنا موش شايليلن مسئوليه كانت الضحكه بتتطلع بجد

س:مين قدوتك في الحياة؟
سفروته:انا مليش قدوه فى الحياه انا باخد الحاجات الحلوه من كل حد وبحاول انى احطها فى نفسى على اد ماقدر

س:اية هدفك في الحياة؟
سفروته:هدفى
انى اخلص كليتى واشتغل فى مكان كويس واتجوز علشان اجيب اولاد واربيهم احسن
تربيه (تربيه صالحه) ويطلعوا بنى ادميين كويسين

س:احلام واماني نتمنها فما هي امانيكي؟؟؟
سفروته : نفسى فى حاجات كتير بس اهمها
اني اوصل لمرتبه كبيره فى عباده ربنا
س:ماهو حلمك المهني ؟؟؟
سفروته:نفسى ابقى اعلاميه مشهوريه واعمل دور كبير يغير مسار الاعلام فى الوطن العربى

س:رحله الي العالم فاين تذهبي واين تستقري؟؟
سفروته:فى مكه المكرمه

س:اكتر انسان عزيز عليكي؟
سفروته: امى وابويا

س:اكتر حاجه تحرجك؟؟
سفروته:انى اتلخبط فى الكلام ادام ناس كتير
او ان حد من اللى قاعدين يتعمد احراجى بصوره او باخرى
س: عندما يوجه ليكي نقد وتجدي من ينقذك هو انسان حاقد يرد ان يطفي صوتك فماذا ستردي عليه؟؟؟
سفروته:مش هارد هارد ليه اذا جائتك المذمه من ناقص فانها شهاده لك بانك كامل

س:حب وشوق ولهفه فهل للحب مكان بداخلك؟؟؟
سفروته:دلوقتى لا انا من شهور موش كتير خدت قلبى وحطيته فى قمم ورميته فى البحر

س:لوخيرت لسفر اي وسيلة تختار (جو, بر ,بحر) ؟

سفروته:الجو طبعا لانى مبحبش البحر اتفرج عليه من بعيد بس

س:هل تندمين علي قرار اخذتيه؟؟
سفروته:احيانا لما بتاذى بسبب القرار دا بس ارجع واقول اندم ليه لا فائده من البكاء على اللبن المسكوب

س:لو لديكي ثلاث ورود لمن ستعطيها ؟؟

سفروته:ورده لماما ورده على قبر ماما التانيه وورده لايمان بنت خالتى
س:لحظات سعيدة عشتيها بحياتك ولا تفارقك طوال الوقت ؟

سفروته:لحظه ماقالى انه بيحبنى
س:الحزن .. السعادة ..اليأس.. الفراق .. اشياء تمر بنا، ماذا تعني لكي؟

سفروته:الحزن يوم فراق اكتر ناس حبيتهم واولهم امى
السعاده وقت نجاحى واحساسى باول دقه قلب ليا
الياس لما جبت مجموع دخلنى كليتى دى لانى مبحبهاش
الفراق اكتر حاجه بكرهها فى حياتى بخاف منها

س:ما أصعب قرار اتخذته في حياتك ؟

سفروته:القرار دا لسا بخده دلوقتى وحيرانه بس خدته وباقى انى ادى الخبر دا لصاحبه

س:الضحك والبكاء لهم اثر كثيرة علينا فما الاقرب اليكي؟

سفروته:البكاء طبعا انا دموعى قريبه جدا وسهل جدا انها تنزل بس مبحبش اوريها لحد

س:أحلــى تجـربــه بحيـــاتــك ؟
سفروته:تجربه الحب الوحيده فى حياتى كانت احلى واطول واسوء تجربه عشتها
س:الجرح كيف تأثيره عليـــــــــــك؟؟

سفروته:ياه خد اكتر من سنه ولسا ماطابش
س:رائيك في الشعب المصري؟؟
سفروته:شعب طيب وحنون وكريم بس اخلاقه ساءت بسبب لقمه العيش الصعبه اوى
ودول فى الاول والاخر اهلى واصحابى
س:ما مقتراحتك لحل مشكله البطالة؟

سفروته:بطاله ايه المفروض نشوف اقتصادنا الاول احنا داخلين على منحد كبير اوى من التضخم واحنا موش سألين

س:صفه تحبيها في نفسك وصفه تكرهيها في نفسك؟

سفروته: العند انا عنيده بشكل بشع
وفى حاجه تانيه بكرهها العصبيه
وبحب
فى نفسى انى موش منفسنه(بمعنى انى موش جوايا ولا ذره حقد ولما بشوف حد فيه
حاجه كويسه بفرح اوى وموش بغير من حد لانه عنده حاجه موش عندى)
س:مين اللي عرفك علي المنتدي؟
سفروته:محمد الردينى
س:من في حياتك بشكل عام يستحق هذا الألقاب : ( القمر - الحنون - الرومانسي - الوردة – الملاك - حبيب الروح)
القمر: رنا اختى
الحنون :بابا
الرومانسى : مفيش
الورده دى ريم بنت خالى
الملاك زينب صاحبتى
وحبيب الروح: امى
س:احسن موضوع كاتبتيه في المنتدي؟؟

سفروته:اروع جدل بين ذكر وانثى
س:موضوع قريبته وكان نفسك تكوني انتي اللي كاتبه؟؟

سفروته:معتقدش بحبكوا وانتوا بتكتبوا مواضيعكوا واشوفها بتنجح بفرح اوى وكانها ليا

س:): احسن الاعضاء لديكي؟؟
سفروته:كلهم بحبهم اوى بس اللى اسعددنى ربى بمعرفتهم وقربى منهم كانت جاردنيا روز وماندو
وشيكو وجنان وجيمو من غير ترتيب وحوده
س:اكتر موضوع اثر فيكي؟؟
سفروته:موش فاكره بس تقريبا موضوع اتحط فى المنتدى الاسلامى عن حمله لرد الاساءه عن سيدنا محمد حسيت انى عايزه اعمل حاجه ومتكتفه
س:مين اكتر الاعضاء اللي بتستني مواضيعهم؟؟

سفروته:جنان وسمايل وماندو كلهم بصراحة احسن من بعض
س:ما هي اقتراحتك للتطور المنتدي؟؟
سفروته:اول حاجه اجتماع مشرفين كل اسبوع مره فى الشات ومعرفه ايهاللازم
وساعتها هنعرف ايه المقترحات
س:من الاعضاء ينطبق عليهم الآتي : - فاكهة المنتدى - عسل المنتدى - العضو المميز فالمنتدى

سفروته: فاكهه المنتدى جاردنيا / عسل المنتدي شيكو / عضو مميز ماندو
س:اية هو احساسك وانتي بتردي علي الاسئلة؟؟

سفروته:فرحانه اوى وحزينه فى نفس الوقت
س:تحبي تقولي اية في اخر الحوار؟؟

سفروته: احب اقول انى عشت معاكوا ايام حلوه اوى
وصاحبت ناس فيكوا كتير اوى ودى تقريبا اخر ايامى معاكوا هتوحشونى اوىاوى ويارب اكون كنت ضيفه موش تقيله عليكوا

يارب يجمعنا فى الدنيا والاخره على طاعته ويارب اشوفكوا كلكوا وشكرا ياماندو على الحوار الجميل دا بجد استمتعت
ربنا يحفظكوا

mando:واحنا كمان استمعتنا كتير بعمل الحوار الرائع معاكي وان شاء الله هاتبقي معانا دائما
في اسرة المستقبل

وانتظرونا قريبا مع حوار شيق مع عضو جديد وايضا صفحي جديد
انتظرونا

من طرف **{lo2lo2t alb7r}** الإثنين 15 سبتمبر 2008, 6:47 pm

جميل جدا يا سفروته والله حوار طيب وجميل وشخصيتك اكمل يا قطه

مرسي ليكي وليك يا ماندو

من طرف **NEGMASAMA** الإثنين 15 سبتمبر 2008, 7:08 pm

مرسيه ليكى يا سفروته وبجد انتى بنى ادمه زى العسل وشخصيتك حلوه اوى وانا كان نفسى اعرفك اكتر مرسيه ليكى تانى يا قمر ومرسيه ليك يا مندو على الحوار الجامد ده مع شقيه المنتدى بتاعنا ومنتظرين حوار جديد مع عضو جديد

اشقي الحورات مع (سفروته) Yamelody-4b314c3042

مناقشة هايلة وانا يمكن معرفكيش اوى يا سفروتة
لاكن شخصيتك بتبان فى مواضيعك وردودك الجميلة
والعابك الشقية
ويارب دايما تكونى بخير
وشكر خاص للاستاذ ماندوا على الحوار الرائع دا
واسئلتة الجميلة
ومستنيين منك يا ماندوا
حوار مع
نجم منتدى جديد

من طرف H.e.R.o الإثنين 15 سبتمبر 2008, 9:22 pm

حوار جامده

وايه البراءة اللى انتى فيها دى هههههههههه

لا بس حوار جامد

من طرف **MR.GIMO** الثلاثاء 16 سبتمبر 2008, 12:45 am

اولا طبعا هاشكر الصحفى المميز الذى يسعدنا دائما باسلوبه المميز فى الحوار
بجد تسلم يا ماندو على مجهودك المستمر فى امتاعنا

ثانيا بجد يا سفروته انتى انسانه رائعه جدا وده طبعا بالاضافه الى الشخصيه المرحه المحبه للناس جميعا وده الى باين من طريقه ردودك الرائعه الى بينت شخصيتك الطفوليه الجميله الداله على برائه الاطفال وحبك للعب والى انا اتقطعت على ايدك فطره طويله فى الالعاب
واخرا الف شكر على صراحتك الى عرفتنا على شخصيتك المميزه

ويلا يا مندو ماتاخرش علينا حواراتك الرائعه القادمه

ماندو انت دايماً كما عودتنا انسان متألق في اعمالك واتمنى ان يستمر هذا
العطاء والتألق دايماً فلك كل الاحترام والتقدير على ماتفعله لنا وتسعدنا به

سفروته بنت طيبه وحبوبه ومخلصه ووفيه وشقيه ومجنونه وغيرها صفات تخلي
الانسان يتعلق فيها ويكفي انو أي انسان يتعرف عليها ويدخل جواها هيسعد بمعرفته لها
هذا الكلام اقوله من معرفتي لها شخصياً وبعرفها وعرف شخصيتها اوي وعرف كمان
جوهرها من جوه عشان كذا صعب عليا اني اوصفها او اتكلم عنها لاني لو تكلمت عنها
عمري ماهوفي بحقها يكفي انها من الاشخاص لي تعرفت عليهم في المنتدى وحبيتهم اوي
فكانت الانسانه القرب الي ومازلت وستظل بأذن الله معي العمر كله وتمنى من الله ان يجمعني بها
في الدنيا والاخره في الجنه اكيد واخر كلامي انو ربي يسعدها ويحققلها كل ماتتمناه يارب
وربي يحفظها ويحميها يارب والله يوفق الجميع

من طرف **sheko** الثلاثاء 16 سبتمبر 2008, 9:28 pm

ايه الحلاوه ديه وليه الحزن اللى فى سفروته وتسلم يا ماندو على انك انت عرفتنا على شخصيه متميزه زى ريهام وانت فعلا بجد يا ماندو صحفى المستقبل

مشكوووووووووووووور لمجهودك يا ماندو فى المقابلات الصحفيه والمناقشات
وشكرا سفروته على ردك على الاسئله
وفعلا الحوار حلو جدا بامانه
شكرا ليكم تانى
ومستنيين العضو الجديد الى هاتعمل معاه الحوار القادم

من طرف **yoyo love** الثلاثاء 16 سبتمبر 2008, 11:50 pm

حوار جميل جدا جدا يا ماندو
وبجد اسعدتينا بمعرفتك اكتر يا سفروته بشخصيتك الجميله الرقيقه
بس ياريت تفضلى معانا وتمتعينا بمواضيعك اكتر

وانا مستنيه الحوار الجاى مع صحفى المستقبل ماندو

من طرف **سفروته** الأربعاء 17 سبتمبر 2008, 1:24 pm

انا موش عارفه اقولكوا ايه مفيش كلام ممكن يوفلى حقكوا
بجد انا اد ايه سعيده جدا بردودكو وربنا يخليكوا ليا
كلام خاص لجاردنيا روز:انتى احلى صديقه شوفتها فى
حياتى برغم بعد المسافه بينى وبينك ربنا يخليكى ليا وميحرمنيش منك ابداااااااااااااااا
ثانيا الاستاذ رئيس تحرير مجلتنا شكرا ياريس بجد
موش عارفه اقولك ايه انتا تعبت معايا اوى علشان تطلع الحوار دا

صدق لمن لقبكي بااطيب قلب بجد من الوقت الي
تعرفت عليكي يا سفروته
وربنا زي النسمه تتركي اثر النفحه الجميله ونشوتها وانتعاش
الروح كل تصرفاتك باعفويه
وكطفله تلهو وتعبث ببرائه وددت ان اطيل اكثر لكن
حروفي ستكون قاصره
الله يعطيك على قد نيتك وطيبتك ويوفقك يــــــــــــارب
***
وكما تعودت انهي كلامي بثناء على
من اسميته ضياء المنتدى
بلا منافس ويمتد لك شكري وثنائي على
ما تنجزه في هذا المنتدى
فدمت للعطاء شعارا

^_^

من طرف Smile For Me الثلاثاء 23 سبتمبر 2008, 11:30 am

من قبل الحوار وقد رٌسمت لنا سفروته خرطتها من خلال تعاملها معانا
خفيفه الظل طيبه محبوبه من الكل
ولكن كان فقط هذا الحوار لتوضيح بعض النقاط لا أكثر لمن لا يعرفها

وشكرا للصحفي اللامع ماندو اللي يوم ورا التاني هيعرفنا علي تالكل بأفككاره الذكيه
وشكرا لمجهودك ياماندو

من طرف modyjaky الثلاثاء 23 سبتمبر 2008, 5:12 pm

مرسيه ليكى يا سفروته وبجد انتى بنى ادمه زى العسل وشخصيتك حلوه اوى وانا كان نفسى اعرفك اكتر مرسيه ليكى تانى يا قمر ومرسيه ليك يا مندو على الحوار الجامد ده مع شقيه المنتدى بتاعنا ومنتظرين حوار جديد مع عضو جديد

من طرف nona30 الأربعاء 24 سبتمبر 2008, 2:14 am

[center]بصراحه حوار جميل جدا ليكى يا سفروته وحوار جميل منك يا ماندو
وفعلا الكلام ده كله حقيقى عنك يا سفروته لانك صادقه فى كلامك واحساسيك ومشاعرك وكمان لانى عارفاكى كويس
ويارب تحققى كل امانيكى فى الحياه وكل همومك واحزانك هتداويهم الايام ان شاء الله [/center] Sad