يوميات صعيدى بيحب بنات استيل اوى فى الجامعة (تحفة)

من طرف ميدو الإثنين 14 يوليو 2008, 7:42 pm

هاي ازيكم عاملين ايه يا رب تكونوا بخير

جبتلكم قصه كده شوفوا هتعجبكوا ولا لا لو عجبتكوا هنكملها مع بعض ان شاء الله

نبتدى بالحلقة الاولى

احمد: لو سمحتي حضرتك...ممكن براية
نور: ههههههههههههههههههههههههههه
احمد :حضرتك بتضحكي على ايه ممكن اعرف يعني لو سمحتي
نور : مش عيب شاب في سنك يطلب براية ..ده احنا في جامعة
احمد : طيب معاكي شفرة...عشان المحاضرة هتبدأ خلاص
نور : ايييييه..ايه شفرة دي..ممكن تسكت لو سمحت
احمد : حد معاااااااه براااااااااية....او قلم زيااااااادة..ردوا
نور: انت اكيد مجنون وطي صوتك الطلبة كلها بتضحك عليك
احمد :ويضحكوا ليه ولاد الدزمة دووووووووول
نور: خلاص خلاص انا هنقل المحاضرة وبعدين اديلك تصورها
احمد :شكرا بس انقلي كويس ..وياريت تنظمي الكراسة

(اثناء ما المحاضرة شغالة ونور شغالة كتابة واحمد هيموت عشان مش معاه قلم)

احمد: يا انسة خطك زفت زفت..انتي مش مسطرة الصفحة ليه ...وفين التاريخ الهجري .يادي النيلة عليا وعلى الجامعة
نور : انت مالك ومال خطي مش كفاية هديلك تنقل مني وهتعطل انا
احمد : ليه وانتي عربية اصلك علشان تتعلطي..هما البنات متعطلين خلجة
نور : انت انسان قليل الادب...بجد مش بتعرف تكلم البنات ازاي
احمد : لأ يا شيخة والنبي المرة الجاية تبقي تجيبيلي الكتالوج بتاعك

(نور عشان رقيقة سكتت ومش عرفت ترد على بجاحة احمد وانتهت المحاضرة )

اثناء خروج الطلبة من المدرج...احمد حب يستظرف بس بطريقة غبية شوية
احمد وسط حشد من الطلبة بنات وولاد
وكأنهم قطيع من المواشي
هررررررررررررررررررر...وضحكته سمعت كل اللي ماشي

(نور بتحكي مع زميلتها من كلية تانية على احمد )

نور : بصي يا هالة الولد ده....فضيحة فضيحة يعني...وحكتلها على اللي حصل
هالة : تلاقيه شاب تحفة...مش باين عليه استايل خالص..ده لابس بدلة وكرافت
نور : بس تعرفي شكله وسيم اووووي...حاسة انه طيب وعلى سجيته
هالة :اوووو...ده وسيم؟...ده مش حاطط نقطة جيل على شعره حتى..شعره منعكش جدا
نور:يا ستي سيبك
هالة: على رأيك

خلص اول يوم في الجامعة وقبل النهاية بدقايق

احمد: يا استاذة يا انسة فين المحاضرة عايز انقلها هاتيها يلا يلا بسرعة
نور : تنقل ايه يابني دي عشر ورقات غير في رسومات وجداول
احمد :ومالهم يعني عشر ورجات انتي هتخلفي وعدك ولا ايه
نور : انا مقلتش كده بس في حاجة اسمها تصوير..اسرع يعني
احمد: هههههههههههههههههه اصور ايه بخطك الزفت ده..شوفي ...زفت
نور: حقيقي انا غلطانة وكلام هالة باين عليه صح...بعد اذنك..اوف

سابته ومشيت .....وقال

احمد: عليكي يا شيخة وعلى هالة وعلى الجامعة كلتها....وبرضه خطك زي الزفت

عاوزين تعرفوا اليوم اللي بعده حصل في ايه

تابعوا معايا بقى قصة حب احمد الصعيدي ونور البنت الاستايل

احداث الحلقه التانيه

وجه اليوم التاني....ولسة الحياة الجامعية لم تؤثر على تلاميذ الثانوية العامة...بس مع بلدياتنا احمد ...ماشية عكس خالص...مش عارف يتأقلم عليها
وتعالوا نشوف الايام والحياة الجامعية هتعمل ايه في احمد وهيتعامل معاها ازاي
كان ميعاد المحاضرة الساعة 8 صباحا...كان احمد واقف قصاد المدرج من 6 الصبح مش عارف ليه ونبتدي الحلقة التانية يا جامدين

احمد: ديب ديب ديب انتوا يا ناس يللي هنا...افتحوا الباب
الساعي : يا فتاح يا عليم يا رزاق يا كريم
احمد: ماترش ميا يا راجل قصاد المدرج عشان تستفتح
الساعي:يا كابتن المحاضرة لسة الساعة 8 مفيش دخول دلوقت
احمد:هدخل يعني هدخل..عليا النعمة هدخل هاااا
الساعي: قفل الباب في وشه ودخل جوا
احمد : يا ابن الدزمة انت هتضيع عليا المحاضرة شكلك
احمد: اما اروح اجيب كوباية شاي سخن مولع
الراجل: تؤمر بأيه يا فندم
احمد : شاي خمسينة بنعناع
الراجل: ايه ايه...مفيش نعناع
احمد: ومفيش نعناع ليه
الراجل : هو كده مفيش نعناع على الشاي ..النعناع لوحده
احمد :طيب هات نص كوباية شاي ونص كوباية نعناع
الراجل: خد فلوسك اهي
احمد:طب والشاي ابو نعناع فين
الراجل:اوووف
احمد:اوووف على دماغك...ابن دزمة صحيح

كان فات حوالي ساعة ونص وهو واقف في الكافتيريا عشان يشرب شاي
قرر انه يرجع للمدرج عشان يلحق مكان وبالفعل حجز مكان وخرج تاني عشان
يجيب شاي من كافتيريا تانية...ونجح انه يجيب المرة دي ..دخل المدرج وفجأة
لقى مين اعد مكانه ...مين مين مين....لقى نور فارشة كل حاجتها وبتشرب كابتشينووووووووووووووووو

احمد : بصوت لا يطاق....ايييييييييه ده يا هانم...هي وكالة من غير بواب
نور :وطي صوتك من فضلك انا بتكلم بهدوء وبأدب
احمد:هي دي طريجتي..عاجبك ولا مش عاجبك
نور:طيب انا مش هقوم
احمد: هروح للعميد يجي يقومك
نور:ههههههههههههههههههه
احمد:بتضحكي على ايه يا باردة
نور: لم نفسك
احمد: شايفاني مبعتر في الارض ولا اييييييييه
نور: مش هتحضر...هههههههههههههه
احمد :عليا الطلاج لأحضر غصب عنك وعن عين والدك....

وفجأة سمع صوت الدكتور بيناديله

ونكمل الحلقة الثالثه
ونكمل بقي مع الحلقه التالته والرابعه

وقف الدكتور بكل ثقة...وبص على الطلبة كلهم
من بين كل الطلبة وقعت عينه على احمد وهو مكشر
الدكتور:مالك يابني مكشر من اول السنة ليه كده
احمد :لو سمحت معاك نمرة ماحمول العميد
الدكتور : ههههههههههه ايوة ليه
احمد : عاوز اقدم شكوى في البت دي
نور :متقولش بت
احمد :هجول بت وستين بت كمان قومي يلا
الدكتور : بس بقى اخرس شوية يا اما هطردك
احمد : انا ...تطردني ليييييييه هاتلي مكان سعادتك
الدكتور : تعالى اعد جنبي هنا على الكرسي ده
احمد : وااه...اجعد جنبك مرة واحدة يا داكتووور
الدكتور :ايوة تعالى

وهو نازل راح وقع الكتاب بتاع نور ورمى اقلامها
راحت نور ضربته على ضهره..قال ااااااااااااه
وصوته سمع المدرج كله والكل فضل يضحك عليه

الدكتور : اطلع برا يلا...مش هتحضر المحاضرة
احمد : ابوس ايدك يا بيه انا امبارح مكتبتش والنهاردة محضرش...مين يرضى بكده يا ناس
وهو خارج رمى عينه على نور ولمح فيها نظرة عطف جميلة

بعد ما المحاضرة انتهت...نور خرجت لأ حمد

نور :بجد انا اسفة اوووي
احمد : على ايه بقى ما المحاضرة خلاص
نور : خد المحاضرة بتاعتي انقلها وانا هستناك
احمد : بجد بتتكلمي بجد
نور : ايوة مع انهم اكتر من عشر صفحات بس هستناك
احمد : متشكر يا مازمازيل نورة
نور : لأ قول نور بس احنا اصدقاء وابتسمت ومشيت

احمد عمال ينقل وعمال يقول في سره...خطها زي الزفت
بس شكلها طيبة جوي....الخط مش كل حاجة في الانسان يعني
احمد لمح نور وهي جاية وبتبتسم بخجل

الحلقه الرابعه

بعد ما الدكتور طرد احمد من المحاضرة بسبب نور
وخرج زعلان خالص ونور صالحته وقالتله خد المحاضرة انقلها
واثناء ما كان بينقلها وبيقول خطها وحش بس هي طيبة كانت هي جاية بتبتسم

نور : احمد انت خلصت المحاضرة
احمد : لأ لسة انا في اول صفحة مش عارف اجرا الكلمة دي
نور قرت الكلمة
نور : اوكي كمل انا هستناك
احمد :لا لا انتي لازم تروحي دلوقتي عشان انتي اتأخرتي خالص
نور : طيب والمحاضرة
احمد : تتحرج المحاضرة
نور ضحكت ضحكة رقيقة جدا حركت قلب احمد الاسد
احمد : ممكن اوصلك لحد الباب...والله لحد الباب بس
نور : اوكي اوكي مفيهاش حاجة اتفضل
احمد : انتي في الجامعة هنا من امتى
نور :ايه يا احمد انا في سنك لسة اول سنة
احمد : انا عارف انا عارف
احمد : وياترى دخلتي هنا واسطة ولا ايه
نور : هههههههههههههههههه ...احمد مالك في ايه
احمد : لا بهرج معاكي
نور : تعرف انك
احمد :اني ايه
نور : طيب اوووي
احمد : وانتي انسانة محترمة اه فعلا محترمة بجد
نور : ميرسي
احمد :يالهوي ياني انا منجلتش المحاضرة بتاعت النهاردة
نور : ميرسي يا احمد على التوصيلة الجميلة دي منك
احمد : انتي رايحة فييييييييييييييييين
المحاضرة
المحاضرة
المحاضرة
وووووووونشوفكم الحلقة الجاية ان شاء الله ومع يوم جديد من ايام الجامعة
و احمد ونووووور

وانتظروااااا يا أحلى شباااااااب فى الدنيا الحلقة الجاية

علشان الدنيا هتتظبط مع احمد خاااااالص

واشوفكم على خييييييير

يارب يعجبكم

من طرف abdoadel8 الإثنين 14 يوليو 2008, 7:47 pm

حلقه جميله يامان
منتظر منك الحلقه القادمه

من طرف ميدو الخميس 17 يوليو 2008, 9:29 pm

انا متشكر اوى ليك يا abdoadel8

من طرف Hema4u الخميس 17 يوليو 2008, 10:01 pm

هههههههههههههههههههههههههههههههه

اطمن من نحية يعجبنا عجبنا

من طرف mes الجمعة 18 يوليو 2008, 12:20 am

جاااااااااااااااااااااااااااااااامده جداااااااااااا ياميدو بجد وميرسى جدا لمجهودك ويارب تكملهالنا بقى واوعى تنساها ؟؟؟؟؟؟؟

وميرسى جداااااااااااااا للتوبيك الحلو دا وميرسى لمجهودك الرائع بجد

من طرف **MR.GIMO** الجمعة 18 يوليو 2008, 12:26 am

تسدق زعلتنى يا ميدو فين يا عم الباقى بتع اليوميات هاته بسرعه بقى علشان عايز اكمل

وبجد جامده اوى تسلم ايدك يا مان

يوميات صعيدى بيحب بنات استيل اوى فى الجامعة (تحفة) 3379487d56346e99d

من طرف ميدو الأحد 20 يوليو 2008, 5:52 pm

انا متشكر اوى ليكم

بس انا مش هجيب الباقى الا لما اشوف الردود 3 صفح

يلا عايز 3 صفح بسرعه

من طرف **MR.GIMO** الأحد 20 يوليو 2008, 10:19 pm

اشمعنى 3 صفح لو انت ناوى تنزله نزله دلوقتى وخلاص

ههههههههههههه
بجد لحوه وربنا بس كملها
تبشكوراتي ميدو على القصه اللحوه دي
كل يوم حرد عشان توصل 3 صفح وااااااااااااااا

يوميات صعيدى بيحب بنات استيل اوى فى الجامعة (تحفة) 00020072

متشوقه اعرف حصل ايه

من طرف **سفروته** الثلاثاء 22 يوليو 2008, 2:59 am

حلوه اوى ياميدو مجهود رائع والباقى معروف

بجد عايز 3 صفح وااااااااااااااا Laughing

من طرف **جاردنيا روز** الخميس 24 يوليو 2008, 10:55 pm

مشكور على القصه الجامده دي
وبعدين يابني نزلها خلاص صارت اتنين يعني خلاص
بلا طمع وربنا نزلها عاوزين نضحك وبرحتك بعدين

من طرف **MR.GIMO** الجمعة 25 يوليو 2008, 3:46 pm

انا مش عارف سر ال 3 صبح دول ايه بس ياريت تنزل الجزء التانى من اليوميلت

من طرف **سفروته** الإثنين 04 أغسطس 2008, 7:26 pm

يالا بقى موش هنتحايل عليك ولا انتا موش عارف تكمل

من طرف ميدو الخميس 07 أغسطس 2008, 4:13 pm

ميرسى جدااااا ليكم ومتشكر على ردودكم

اللى اسعدتنى كتير

من طرف **MR.GIMO** الجمعة 08 أغسطس 2008, 4:50 am

العفو اى خدمه بس فين الجزء التانى من اليوميات

من طرف **maha_meto90** الأحد 17 أغسطس 2008, 1:12 am

جميييييييييييييلة ثانك يو ميدو.................فعلا في معايا في الكلية ناس زي الأخ أحمد ده بس والله بيبقوا زي العسل بيحسسوك إنك غصب عنك لازم تديهم اللي هم عيزينه وتلاقي نفسك من غير متسال ليه فعلا بتعمل كدة

القصة جميلة جدا ومتبقاش طماع بقي كفاية صفحتين مش لازم تلاتة وكمل بقي القصة و.....سلاااااااام

من طرف **{lo2lo2t alb7r}** الأحد 17 أغسطس 2008, 12:14 pm

فين الباقي يلا يا ميدو عشان عوزه اعرف الباقي حرام عليك كدا سبتنا بنص الطريق يلا عوزين التكمله

من طرف **maha_meto90** الثلاثاء 19 أغسطس 2008, 12:32 am

وف نص الطريق ووقفنااااا ههههه

اييييييييييييييييييييه بقي يا ميدو فين بقية اليوميات؟؟
خلاص بقي بانت شكلك لسا هتالفها صح؟؟؟؟؟؟
يلا بقي كفاية صفحتين وانشر الباقي
ويييييييييييييييييييتنج يوز نيو
ثاانكس

من طرف GOGOTY الأحد 24 أغسطس 2008, 2:40 am

لا بجد قصه جامده ويريت كنت تكمله كله ولا انت بتشوقنه على العموم انت شكلك زاى العسل

من طرف GOGOTY الأحد 24 أغسطس 2008, 2:22 pm

ايه يا مان الحلقه الجديده هتنسل امتى
بس بجد فكره جامده منك

من طرف **سفروته** الأحد 24 أغسطس 2008, 5:26 pm

بقوا تلات صفح اهو
حسبى الله ونعم الوكيل

من طرف **{lo2lo2t alb7r}** الثلاثاء 26 أغسطس 2008, 12:27 am

يلا عوزين التكمله بقو 3 صفحات احنا اوفنا بالوعد يلا انت حتتراجع بكلامك ولا ايه

من طرف **MR.mando** الجمعة 29 أغسطس 2008, 3:27 am

ههههههههههههههههههههههههههه
منتظرين القادم
انا بقراء وبتخيل احمد وكلامه هههههههههههههههههههههه
فييييييييييييييييييييين الباااااااااااااااااااااقي
بدل مااعيط واغرق ليكو المنتدي
انت حر